Sámegiella

Mii lea PEFC-vuovdesertifiseren?

PEFC (Programme for the Endorsement of Forest Certification) lea riikkaidgaskasaš vuvddiid sertifiserenortnet, mii ovddida ekologalaččat, sosiálalaččat ja ekonomalaččat suvdilis vuovdedoalu miehtá máilmmi. PEFC-ortnegii gullet miellahttoorganisašuvnnat birra máilmmi.

PEFC čájeha vuovdedoalu suvdilisvuođa

Vuovddit leat dehálaš ođasmuvvi luondduriggodat, ja seammás dat leat eallinbirasin duháhiidda ealli- ja šaddošlájaide. Vuvddiin lea dehálaš bargu dálkkádaga muddemis, ja dasa lassin dat buvttadit materiála máŋggalágan buktagiidda. PEFC-sertifiserejuvvon meahcis adnet fuola vuovdeluonddus, ja dat doalaha maiddái birgejumi, olgolihkadeami ja vejolašvuođa virkkosmuvvat.

PEFC lea vásttolaš válljejupmi

Muora álgovuođu PEFC-sertifiseren fállá geavadiid muora álgovuođu čuovvumii ja muorrabuktagiid doaimmahanbálgá vásttolaš čájeheapmái. Eiseválddiid dohkkehan ja sorjjasmeahttumin gávnnahuvvon sertifiserenfitnodagat čuvvot vuvddiid dikšuma ja dan, ahte muora álgovuođu čuovvungáibádus ollašuvvá. PEFC-mearka, mii muitala suvdilis vuovdedoalus, ovddida vásttolaš golaheami. PEFC-mearka fállá fitnodatáššehasaide ja golaheddjiide vejolašvuođa válljet dakkár buktagiid, maid válmmašteamis leat geavahan suvdilit dikšojuvvon vuvddiid muoraid.